Hoxe fomos en barco a pasar o día
nunha das illas. Despois do día terrible de onte (moita choiva),
hoxe facía solazo e calor. As illas son unha pasada. Na que fomos
nós había moitas casiñas pequenas de madeira, pero sen muros que
as separasen e todo era moi curriño e estaba moi coidado. Fomos a
unhas rocas onde nos instalamos para facer a barbacoa e bañámonos
un bo rato, porque a auga non estaba nada fría e había un muelle
cun trampolín para tirarse e unha plataforma... vamos, unha gozada!
E para rematar o día
fomos a un concerto de jazz (gratis, por suposto) que resultou ser
moitísimo mellor do que esperabamos. A banda chámase Frank Znort
Quartet, pero deben de ser unhas 15 ou 20 persoas que fan un show
xenial.
Este foi, polo menos para min, un dos
mellores días ata agora. Mañá empezamos as clases, a ver que pasa!
Sabe.
No hay comentarios:
Publicar un comentario